Intelixencia Artificial Xenerativa e modelos fundacionais na UE

O Comité Económico e Social Europeo (CESE), en colaboración co Centro de Estudos de Políticas Europeas (CEPS) publicou un exhaustivo informe sobre o panorama actual da intelixencia artificial xenerativa (GenAI) e os modelos fundacionais dentro da Unión Europea analizando o seu impacto, avances tecnolóxicos e implicacións regulatorias.

Algúns dos aspectos destacados do informe son:

• Creación dunha terminoloxía unificada de IA: a rápida evolución da IA xenerativa e os modelos fundacionais require unha terminoloxía unificada para unha comunicación efectiva. É crucial distinguir que GenAI crea contido, mentres que os modelos fundacionais son máis amplos e adaptables. Conseguir dita claridade nas definicións garante que as tecnoloxías se desenvolvan, xestionen e implementen eficazmente en todos os sectores.

• Dominio e dependencia no mercado de capacidades de IA: O mercado da IA Xenerativa (GenAI) está dominado por empresas estadounidenses, que acaparan máis do 80% do financiamento global, mentres que a UE enfronta desafíos en investimento e soberanía tecnolóxica, a pesar dos avances chineses con modelos de menor custo.

• A cadea de valor de GenAI na UE: A cadea de valor de GenAI inclúe desde fabricantes de hardware e provedores de datos ata desarrolladores de modelos e usuarios finais; destacando a integración vertical de grandes tecnolóxicas como Meta, Google e Microsoft con OpenAI, que xera eficiencia, pero ameaza a competencia e as startups especializadas da UE. Requírese unha política equilibrada que apoie tanto solucións integradas como innovacións en sectores crave europeos como a automoción, as enerxías renovables e a educación.

• O camiño para seguir: o informe, baseado nunha análise DAFO, suxire que, en aras de fortalecer o desenvolvemento da IA na Unión Europea, esta debe impulsar a investigación, reducir as barreiras regulatorias e fomentar o talento e a colaboración internacional, especialmente co Reino Unido.

Finalmente, o estudo ofrece recomendacións políticas dirixidas ás institucións europeas, ás organizacións da sociedade civil e ao propio CESE; tales como a identificación das necesidades de maior investimento, maior desenvolvemento de habilidades e maior claridade regulatoria; e a necesidade dunha maior colaboración coas organizacións da sociedade civil.

Todo iso co obxectivo de fomentar un ecosistema de IA europeo competitivo, ético e inclusivo.

Pode consultar o estudo completo na seguinte ligazón: QE-01-25-014-EN-N_0.pdf